Komisioni i Jashtëm i Vlerësimit ka konfirmuar në detyrë ditën e sotme komandantin e Gardës së Republikës, Gramoz Sako.
Sako iu nënshtrua ditën e sotme procesit të Vettingut, prej ku rezultoi i pastër në tri shtyllat, pasurinë, pastërtinë e figurës dhe aftësitë profesionale.
Sipas seancës së mëparshmë dëgjimore, të zhvilluar në 5 shkurt, u tha se Sako kishte probleme me pasurinë.
Në këtë seancë u tha se kishte bërë deklarime të rreme dhe se kishte fshehur të ardhurat.
4 ditë më parë u kofirmua në detyrë kreu i Forcave Lëvizëse Operacionale në Policinë e Shtetit, Sokol Bizhga.
Fillimisht u deklarua se ai kishte probleme me pasurinë dhe gradën, por KJV mori vendimin që kreu i FLO-së, Sokol Bizhga të konfirmohet në detyrë.
