Në qytetin e Shkodrës u zhvillua aktiviteti kulturor “Turizëm përmes tingujve”, një performancë e veçantë nga Orkestra Frymore e Forcave të Armatosura të Shqipërisë.
Eventi u mbajt në pedonale të qytetit, ku muzika frymore ka tërhequr vëmendjen e banorëve dhe turistëve që po kalonin aty.
Dirigjenti Altin Babameto shpjegoi se qëllimi i këtij eventi është të promovojë takimet kulturore në qytetet me traditë turistike të vendit. Ai theksoi se Shkodra ka një vend të veçantë në hartën kulturore, falë orkestrave frymore cilësore që ka. Koncerti zgjati rreth 25 minuta dhe përfshiu një repertor që përfshinte marshe dhe pjesë të tjera artistike.
Pas performancës në rrugën pedonale, orkestra këndoi edhe për disa minuta përpara godinës së Bashkisë së Shkodrës, duke krijuar një atmosferë festive dhe të veçantë për të gjithë të pranishmit.
