Turi i 82-të çiklistik i Shqipërisë vijoi sot me etapën e dytë, Shkodër – Elbasan, një itinerar prej 188 kilometrash që solli ritëm të lartë dhe rivalitet të fortë mes garuesve.
Etapa u zhvillua pa shkëputje të theksuara individuale, por me duele të ngushta gjatë gjithë rrugës.
Fitues i ditës u shpall holandezi Niels Reemeijer, pjesë e skuadrës WPGA nga Amsterdami.
Fitorja në këtë etapë i siguroi atij edhe fanellën e verdhë, simbolin e liderit të renditjes së përgjithshme pas dy fazave të para.
Performancë pozitive shënoi edhe përfaqësuesi i Shqipërisë, Gabriele de Fabritis, i cili garon për Nacional Team Albania.
Ai arriti të sigurojë dy fanella, të gjelbërën për sprinterin më të mirë dhe të bardhën për çiklistin më të mirë të ri të turit.
Turi do të vijojë nesër me etapën e tretë, Elbasan – Vlorë, me një gjatësi prej 149 kilometrash. Terreni i alternuar pritet të sjellë sfida të reja dhe lëvizje të mundshme në renditjen e përgjithshme.
