Policia e ka ngritur postoblloqe në disa pika të caktuara, për të kontrolluar persona problematikë, të cilët kanë destinacion tubimin e thirrur nga presidenti Meta, pasditen e sotme.
Pikat e kontrollit janë ngritur në hyrje të autostradës që lidh Vlorën me Fierin, në aksin Fushë Krujë –Durrës dhe Gjirokastër.
Efektivët po kontrollojnë të gjithë ata përsona, për të cilët kanë dyshime se janë elementë kriminalë.
Tubimi i ditës së sotme do të fillojë në orën 17:00 dhe pritet të zgjasë deri në orën 19:00.
Policia e shtetit ka marrë masat për mbarëvatjen e protestës, ndërsa ka angazhuar në terren 1000 efektivë.
Gjithashtu në gatishmëri do të jenë edhe forcat RENA, së bashku me mjetet e ndihmës së shpejtë.
Për shkak të protestës do të kufizohet lëvizja në bulevardin “Dëshmorët e Kombit”.
Kauza e tubimit të protestës së presidetit Ilir Meta është përpjekja e qeverisë për grusht shtetit.
Sipas Kreut të Shtetit, u tentua t’i bëhej “grusht shtetit” Kushtetutës, me emërimet në Gjykatën Kushtetuese.
