POGRADEC
Gjykata e Pogradecit ka dhënë masën e sigurisë “arrest me burg” për Ilir Berberin, njohur ndryshe si “Liri i Rrushkës”.
Berberi ishte “truri” i atenteve në hotelin “Velereka” në Tushemisht.
Për dy sulmet me armë që ndodhën në datat 1 dhe 8 gusht në Pogradec, policia gjithsej ka arrestuar 7 persona të cilët janë: Meard Berberi, Anterio Kaloshi, Ervin Kalaja, Ilir Berberi, Ilir Meçolli, Ardian Xhuti, Elvir Haxhia dhe Mariglen Topuzi.
Ilir Berberi dhe vëllai i tij Meard Berberi kanë organizuar atentatet, ndërsa në rolin e ekzekutorit ka qenë Anterio Kaloshi.
Ndër të tjera, mësohet se autorët nuk kanë dashur që Jetmir Muçollari të dëshmojë në një seancë gjyqësore kundër tyre dhe kjo mund të jetë edhe ndër arsyet e ngjarjes.
Ndërsa, tjetër variant për atentatin e 8 gushtit po në të njëjtin hotel, atë “Volereka”, është se autorët kanë dashur të vrasin djalin e pronarit.
Autorët kanë qëlluar me kallash drejt hotelit, duke shkaktuar dëme materiale, por jo viktima apo të lënduar.
Personat e përfshirë në ngjarje janë kontigjentë të njohur kriminalë.
Ilir Berberi dyshohet i përfshirë në disa ngjarje kriminale, ndërsa Anterio Kaloshi ishte në kërkim policor për një vrasje të dyfishtë në Lushnjë.
