Autoritetet hollandeze kanë bërë me dije se kanë rihapur sërish hetimet për vrasjen e mistershme të biznesmenit shqiptar, Festim Latos.
Pothuajse një vit pas vrasjes së biznesmenit, policia holandeze ka ende më shumë pyetje sesa fakte në lidhje me vrasjen e bujshme.
Kujtojmë se biznesmeni dhe aktivisti Festim Lato, ishte vetëshpallur “President i Çamërisë” dhe pretendonte se me ndihmën e miqve të tij në Bruksel dhe jo vetëm, do të krijonte shtetin e pavarur çam me ushtinë dhe institucionet e veta.
Por pas vrasjes, mediat shkruajtën për problemet që ai mund të kishte si biznesmen. Thuhet se Lato kishte marrë shuma të mëdha parash borxh nga kolegë apo partnerë në biznes, por nuk i kishte kthyer më pas.
Ai u pa për herë të fundit në 15 korrik të 2019-ës gjatë një takimi biznesi në një kafe në Abcoude. Katër ditë më pas, trupi i tij u gjet i gjymtuar në disa qese mbeturinash që ishin hedhur në kanalin Amsterdam-Rhine./GazetaReforma.com/
