Presidenti amerikan Donald Trump ka akuzuar rrjetet sociale Twitter dhe Facebook se kanë bllokuar shpërndarjen e një artikulli të diskutueshëm për rivalin e tij në zgjedhjet presidenciale, demokratin Joe Biden.
“Është e tmerrshme që Twitter dhe Facebook fshehën artikullin e New York Post i cili publikonte postën elektronike që digjte Joe Biden dhe djlain e tij Hunter”, tha presidenti republikan nëpërmjet një postimi në twitter.
New York Post citonte një email të paverifikuar sipas të cilit djali i demokratit Biden në atë kohë zëvendëspresident i Shteteve të Bashkuara, caktoji një takim mes babait të tij dhe një zyrtari të lartë të një kompanie të energjisë në Ukrainë, Burisma .
Nga ana tjetër zëdhënësi i fushatës zgjedhore presidenciale të Bidenit hodhi poshtë pretendimet e gazetës me argumentin se ajo nuk ka asnjë provë të takimit.
Trump, i cili sipas sondazheve për zgjedhjet presidenciale të 3 nëntorit, ka mbetur prapa Bidenit, ka akuzuar se zëvendës presidenti bëri presion ndaj Ukrainës për të shkarkuar prokurorin e saj të lartë, Viktor Shokin, në një përpjekje për të bllokuar një hetim mbi kompaninë në fjalë .
Ukraina ka qenë në qendër të vëmendjes së skenës politike amerikane vitin e kaluar.
Dhoma e Përfaqësuesve, akuzoi shefin e Shtëpisë së Bardhë se i ushtroi presion Ukrainës për të përfituar politikisht, por u shpall i pafajshëm nga Senati i kontrolluar nga republikanët në shkurt.
\GazetaReforma\
