Qytetit bregdetar i Vlorës, është tronditur sërish nga një atentat me armë zjarri.
Sipas të dhënave të policisë, disa persona të armatosur kanë qëlluar drejt një makine në rrugën “Gjergj Araniti”.
Nga atentati ka mbetur i plagosur në kraharor 42-vjeçari M. Mehmeti, i cili po i nënshtrohet një ndërhyrje kirurgjikale në spitalin e Vlorës.
Të dhënat shtojnë se është edhe një person tjetër i plagosur, por nuk jepen detaje. Policia e mbërritur në vendngjarje ka nisur hetimet.
Para pak kohësh, Vlora u trondit nga vendosja e tritolit në makinën e biznesmenit Agron Alushaj, i cili fatkeqsisht humbi gjymtyrët e tij.
