XHAKARTA
Një tërmet me një madhësi prej 6.8 ballë Righter ka goditur ishullin e Sumatras në Indonezi, të mërkurën mbrëma.
Agjencitë e meteorogjisë kanë thënë se nuk ka rrezik për tsunami, ndërsa ende nuk ka të dhëna për viktima apo persona që të jenë plagosur, raporton Reuters.
Tërmeti kishte një thellësi prej 10 km (6.21 milje), tha Shërbimi Gjeologjik i Sh.B.A. (USGS). Meteorologjia, klimatologjia dhe agjensia gjeofizike e Indonezisë thanë që tërmeti u ndje në qytete në zonë, përfshirë Bengkulu.
“Deri më tani, ende nuk ka raportime për dëme pas tërmetit,” tha agjensia në një deklaratë.
Indonezia është një shtet, që ndodhet gjeografikisht në një rajon sizmik.
Tërmeti më shkatërrimtar në historinë e fundit indoneziane mbahet mend ai i 26 dhjetorit të vitit 2004, kohë kur një tërmet me madhësi 9.5 ballë Righter në Sumatra shkaktoi një tsunami masiv, që vrau rreth 226 mijë njerëz, nga të cilët më tepër se 126 mijë në Indonezi.
Një tjetër tërmet, më 2018, në ishullin indonezian Sulauesi, shkaktoi një tsunam të fuqishëm, duke vrarë më shumë se 4 000 njerëz.
