Prokuroria pranë Gjykatës së Shkallës së Parë të Juridiksionit të Përgjithshëm Gjirokastër ka kërkuar konfiskimin e disa pasurive që i përkasin shtetasit D.A. dhe personave të lidhur me të.
Kjo kërkesë është bërë në kuadër të ligjit nr. 10192, datë 03.12.2009 “Për parandalimin dhe goditjen e krimit të organizuar, trafikimit dhe korrupsionit nëpërmjet masave parandaluese kundër pasurisë”, i ndryshuar.
Kërkesa vjen në përfundim të hetimeve paraprake të procedimit pasuror nr. 2, të vitit 2019, ku pasuritë rezultuan pa burime të ligjshme të justifikuara.
Objekt i konfiskimit janë:
• Truall me sipërfaqe 350 m² në qytetin e Gjirokastrës;
• Truall me sipërfaqe 1500 m² dhe ndërtim 23 m² në Lazarat;
• Truall me sipërfaqe 450 m² në Grehot;
• Truall me sipërfaqe 1646 m² po në Grehot;
• Arë me sipërfaqe 7000 m² në fshatin Arshi Lengo;
• Objekt tregtar me sipërfaqe të zënë 6500 m², ndërtuar në vitin 2005 në fshatin Kordhocë, Lazarat;
• Lokal dhe magazinë të ndërtuara në vitin 2013 në fshatin Kordhocë;
• Fushë mini-futbolli me sipërfaqe 500 m² dhe ndërtesë njëkatëshe me sipërfaqe 37.2 m² në Lazarat;
• Një automjet tip “Mercedes Benz”.
