Katër administratorë farmacie u arrestuan në Fier për tregtim të ilaçeve të kontrabanduara në farmacitë që menaxhonin.
Në pranga ranë Shezai Yzeiri, 65 vjeç, Anxhela Xhemali, 59 vjeç, dhe Pleçe Byzyka, 36 vjeç, ndërsa Tereza Plaka, 53 vjeçe, do të hetohet në gjendje të lirë.
Gjatë kontrolleve në farmacitë dhe banesat e tyre u sekuestruan ilaçe pa pullën fiskale nga Agjencia Kombëtare e Barnave dhe Pajisjeve Mjekësore, me vlerë rreth 800,000 lekë.
Operacioni “Medicine”, i zhvilluar pas disa muaj hetimesh, synonte goditjen e kontrabandës së mallrave. Përveç katër të arrestuarve, ndaj një personi tjetër, T.A., 53 vjeç, është nisur procedimi në gjendje të lirë.
Materialet e hetimit janë dorëzuar në Prokurorinë pranë Gjykatës së Shkallës së Parë në Fier për veprime të mëtejshme.
