Mbrëmjen e sotme nëpërmjet një reagimi në rrjetet sociale, Shoqata e Infermierëve ka bërë me dije se tre infermierë të shërbimit të Neurokirurgjisë në QSUT janë pezulluar nga puna deri në muajin korrik.
Sipas asaj që shkruhet në njoftim, bëhet me dije se pezullimi nga puna është bërë se mjekët janë kapur gjatë orarit të punës duke ngrënë molto.
Sipas shoqatës, ky vendim është një skandal, duke shtuar se në asnjë vend të botës, nuk është e ndaluar të konsumosh diçka gjatë shërbimit.
Shoqata e Infermierëve kujton se ky vendim është turp, për më tepër që në vend nuk zbatohet asnjë protokoll pune për infermierët as orari i pushimit, as orët shtese, as ditët e festave apo fundjavat.
NJOFTIMI I PLOTË
Reagim publik per masen e marrë ndaj tre Infermierëve të shërbimit të Neurokirurgjikë: Skandal ne QSUT pezullohen tre Infermier te sherbimit te NeuroKirurgjise pasi gjate kontrollit ne orarin e punes u kapen duke ngrene molto. Ju eshte komunikuar qe deri ne Korrik jane te pezulluar nga puna. A nuk eshte turp qe jo vetem nuk zbatohet asnje protokoll pune per Infermieret as orari i pushimit,as oret shtese, as ditet e festav apo fundjavat.E per me teper ne keto dite pandemie qe po punojne pa orar behen kotrolle te qellimshme per te penalizuar Infermieret. Po në cilin vend të botës eshte e ndaluar te konsumosh dicka per te ngrene gjate punes (pasi ne 8 ore pune cdokush ka nevoje per nje pushim te vogel per te konsumuar dicka (uje,kafe ose ushqim). A ka ngelur me gje tjeter pa ju bere Infermiereve te Shqiperise e sidomos Infermiereve te QSUT. Turp i madh per kedo qe ka dhene urdher per te tilla kontrolle me tendence dhe per te tilla masa ndaj Infermiereve qe sot me shume se kurre duhen vleresuar e jo shtypur. Shoqata e Infermiereve te Shqiperise.
