Në orët e para të mëngjesit, tre autobusë janë shkrumbuar nga flakët në Shkozë, teksa ishin të parkuar te ish-Uzina e Autotraktorëve. Policia dhe forcat zjarrfikëse mbërritën menjëherë në vendngjarje, ku dyshohet se zjarri ka shpërthyer nga një defekt elektrik në një prej autobusëve.
Flakët kanë filluar nga ky autobus dhe më pas janë përhapur edhe te dy autobusët e tjerë që ndodheshin pranë. Autoritetet po hetojnë për të përcaktuar shkakun e plotë të ngjarjes.
Njoftimi i policisë:
Rreth orës 00:35, në rrugën Ali Demi, në parkingun e një firme private, dyshohet se për shkak të një defekti elektrik është përfshirë nga flakët 1 automjet (autobus linje) dhe si pasojë e shpërndarjes së flakëve janë djegur dhe dy automjete të tjera (autobusë linje).
Grupi hetimor po punon për sqarimin e plotë të rrethanave të shkakut të rënies së zjarrit.
