Një shqiptar ka humbur jetën pas një zjarri që ka përfshirë një fabrikë kanabisi në Brierley Hill, Mbretëri e Bashkuar.
Sipas mediave vendase shqiptari, 43-vjeç, ishte bllokuar brenda fabrikës pasi mori flakë, bashkë me një tjetër 20 vjeçar, gjithashtu shqiptar, i cili ia ka dalë të mbijetojë.
Fatkeqësisht, 43-vjeçari humbi jetën, ndërsa 20-vjeçari gëzon shëndet të plotë dhe është larguar edhe nga spitali, pasi mori ndihmën mjekësore.
Mësohet se brenda kësaj fabrike rritej dhe përpunohej kanabisi, teksa motivet e ngjarjes janë ende të paqarta.
Identiteti i tyre nuk bëhet me dije, ndërkohë që një nga detektivët u shpreh se ata ishin viktima të trafikimit në Mbretërinë e Bashkuar.
“Njësia, e përdorur për rritjen e kanabisit, ishte e bllokuar që do të thotë se këta njerëz nuk kishin asnjë mënyrë për t’i shpëtuar zjarrit. Kushdo që ka ndonjë informacion për këta të dy, apo për rrethin në të cilin ishin përfshirë këta njërëz, na kontaktoni,”- shtoi inspektori Jim Mahon.
KLIKO KËTU PËR TË PARË VIDEON
