Procesi zgjedhor në Kosovë ka shkuar përgjitëhsisht i qetë dhe nuk ka pasur parregullsi. Por një ngjarje tragjike është raportuar të ketë ndodhur gjatë ditës së sotme në një qendër votimi. Mediat kosovare shkruajne se një votues ka ndërruar jetë në qendrën e votimit në Kaçanik.
Bëhte fjalë për një 81-vjeçar i cili kishte uhdëtuar nga Shkupi në Biqec për të marrë pjesë në votime. Mësohet se në momentin që ka shkuar për të votuar, i moshuari ka kërkuar ndihmë pasi nuk ndihej mirë. Në momentin që ishte duke kërkuar emrin, gjendja e tij është përkeqësuar papritur dhe ka pësuar infarkt. 81-vjeçari u transportua për në spital, por nuk ia doli të mbijetonte dhe ndërroi jetë gjatë rrugës.
Ndërkohë, procesi i votimit vazhdon dhe është raportuar se deri në orën 15:00 pjesëmarrja ka qenë 32%, ndërkohë që ka pasur rritje gjatë orëve të fundit. Në të gjithë Kosovën po votohet në 888 qendra votimi dhe për të siguruar mbarëvajtjen e zgjedhjeve janë në terren 500 vëzhgues. Kosova po i mban zgjedhjet e parakohshme në një kohë kur vendi është prekur nga pandemia e COVID-19, nën masa të rrepta të sigurisë shëndetësore. Kujtojmë që Gjykata shpalli të paligjshëm krijimin e qeverisë së Avdulla Hotit, gjë që çoi në zgjedhjet e parakohshme të 14 shkurtit.
