Një ngjarje e rëndë ka ndodhur në Itali ku një i ri shqiptar ka ndërruar jetë si pasojë e një aksidenti në mal. Mësohet se i riu ka qenë duke u ngjitur për alpinizëm me miqtë e tij në malin Marmagna në shtetin fqinj, ku edhe ka humbur jetën. Në mediat italiane raportohet se shqiptari që ka ndërroi jetë si pasojë e aksidentit është 19-vjeçari Marinel Senka, i cili jetonte në Pontremoli. Mësohet se ngjarja e rëndë ka ndodhur rreth orës 02:00, ndërsa gjithë komuniteti i zonës është tronditur nga lajmi i hidhur.
Ndër të tjera raportohet se i riu shqiptar ka qenë së bashku edhe me dy shokë të tjerë në mal, të cilët ishin nisur nga Bosco di Corniglio, në zonën e Parmës. Fatmirësisht është bërë me dije se dy personat e tjerë që ishin me të nuk kanë pësuar lëndime. Shkak për aksidentin tragjik mësohet të jetë bërë rënia në një grykë e cila ndodhet në një distancë të shkurtër nga pika ne te cilen po këtë muaj humbi jetën edhe një 60 vjeçar.
Si pasojë e kushteve të motit dhe erës së fortë u bë e pamundur ndërhyrja me helikopter, ndërsa trupi i të riut eshte nxjerr në mbrëmje.
