Një tragjedi ndodhi mbrëmjen e djeshme në Tetovë, ku një spital ku po kuroheshin pacientë me COVID-19 është përfshirë nga flakët e për pasoj kanë humbur jetën 14 persona.
Disa nga viktimat ende nuk janë identifikuar, po ashtu sipas Neës24 mes viktimave ka qenë edhe një mjek . Mësohet se mjeku ka qenë i shtruar në spital pasi po kurohej nga COVID-19 dhe nuk ka qenë në krye të detyrës.
Gjithashtu pritet që disa prej personave që humbën jetën do t’i nënshtrohen testit të ADN-së, për të bërë të mundur identifikimin e tyre.
Mjekët kanë ndërhyrë menjëherë por nuk kanë mundur që të shpëtojnë persona të cilët mbetën brenda. Kujtojmë se ndërtesa ishte i përshtatur si spital COCID dhe nuk ka qenë një ndërtesë e mirëfilltë.
Zjarri thuhet se është shkaktuar nga shpërthimi i një bombole gazi apo oksigjenit. Nga ana e opozitës së Maqedonisë së Veriut, ka pasur akuza mbi sigurinë e godinës së spitalit.
Më herët në një deklaratë për mediat, Presidenti i vendit, Stevo Pendarovski tha se nuk ka ende asnjë detaj që vërteton se zjarri ishte i qëllimshëm apo dhe nëse ka një prapavijë politike.
Ai u shpreh se duhet pritur përfundimi i hetimeve nga autoritetet ndërkombëtare të cilët do të hedhin dritë mbi ngjarjen tragjike.
