Një ngjarje e rëndë ndodhi në Tetovë, ku një spital i përshtatur për COVID-19 u përfshirë nga flakët e për pasojë humbën jetën 14 persona. Autoritet vendase bënë me dije se 12 persona që morën plagë nga zjarri janë duke u kuruar dhe se janë në gjendje të stabilizuar. Ditën e sotme koordinatori i Qendrës COVID në Tetovë, Gazim Nuredini është shprehur se gjithçka ka ndodhur për 3-5 minuta.
Ai ka thënë se të gjithë ofruan ndihmën e tyre por fatkeqësisht nuk kanë arritur t’i japin ndihmë të gjithë personave që ishin brenda spitalit, ata kanë arritur të shpëtojnë vetëm 12 persona.
“Gjithçka zgjati 3-5 minuta. Ekipet mjekësore, stafi dhe njerëzit që ishin jashtë, të afërmit që donin të komunikonin me ne ata të gjithë ndihmuan dhe gjithçka ndodhi në 3 minuta. Vetëm ata 12 pacientë mbijetuan gjatë asaj kohe. Të tjerët nuk patën sukses sepse flakët mbuluan të gjithë hapësirën në 3 minuta”, -tha Nuredini.
Nyuredini ka thënë ndër të tjera se ishte diçka që ndodhi shumë shpejtë. Ndëe të tjera Nuredini, ka deklaruar sot se identifikimi i disa viktimave po shkon me vështirësi dhe se për to duhet të bëhet analiza e ADN-së.
“Ishte e çuditshme për mua …nëse do të ishte dru i thatë nuk do të digjej në një kohë kaq të shkurtër, por le të shohim se çfarë do të thonë ekspertët” -shtoi Nuredini.
