Kreu i Komunitetit Mysliman Shqiptar, Bujar Spahiu, reagoi pas tragjedisë në Shkodër, ku një nënë me tre fëmijë dyshohet se u hodh në lumin Buna pas dhunës së bashkëshortit.
“Kjo ngjarje tregon se familja shqiptare është në krizë. Këto ngjarje të dhimbshme përsëriten për shkak të mostrajtimit si duhet të problemit,” tha Spahiu.
Ai theksoi se “familja është themeli i shoqërisë dhe gruaja është elementi bazë i saj. Kush i dhunon dhe keqtrajton bashkëshortet do të jetë i poshtëruar në këtë botë dhe në botën tjetër.”
Spahiu kërkoi trajtim më të mirë të krizës së familjes shqiptare dhe inkurajoi viktimat e dhunës të denoncojnë rastet. “Askush që ka dijeni për raste të tilla nuk duhet të heshtë,” shtoi ai.
