Edison Arrazi, vëllai i Ergys Arrazit që dyshohet se ka ushtruar dhunë ndaj gruas dhe fëmijëve, dhe se kjo ka çuar në vetëvrasje, ka folur për mediat. Edison Arrazi ka deklaruar se Alma Arrazi është respektuar si nusja e shtëpisë dhe se vëllai i tij nuk ka ushtruar dhunë ndaj saj. Ai shtoi se familja Arrazi ka përgatitur katër arkivole, një për nënën dhe tre për fëmijët.
Edison Arrazi tha gjithashtu se vëllai i tij nuk e tradhtonte bashkëshorten. “Ngjarja është shumë e rëndë për familjen tonë sepse ende nuk janë gjetur dy trupat e tjerë, dhe dy i kemi të vdekur. Dua të sqaroj publikun se vëllai im nuk ka ushtruar dhunë psikologjike apo fizike ndaj nuses,” tha ai.
Familja ka përgatitur katër arkivole për Almen dhe tre fëmijët. Sipas Edisonit, Alma është trajtuar me ilaçe për stres dhe depresion. Ai shtoi se vëllai dhe nusja e tij nuk kanë pasur probleme, dhe kërkoi kohë që e vërteta e ngjarjes të dalë në dritë.
