Një aksident tragjik ndodhi mëngjesin e së dielës në autostradën Sllavonski Brod në Kroaci ku humbën jetën 10 persona dhe mbetën të plagosur disa të tjerë, midis të cilëve edhe fëmijë të mitur.
Autoritetet bënë me dije se në autobus së bashku me dy shoferët ishin gjithsej 69 persona, 67 prej tyre ishin pasagjerë dhe dy shoferët. Disa persona ngelën të dëmtuar rëndë dhe po marrin trajtimin e nevojshëm në spital. 8 nga këta kanë marrë dëmtime të rënda, 4 të tjerë i janë nënshtruar operacionit dhe pjesa tjetër ndodhen nën kujdesin mjekësor. Më posht janë emrat e viktimave të aksidentit fatkeq, 10 jetët që mbyllën sytë përgjithmonë në atë ditë të kobshme janë:
1. Naser Sylmetaj shoferi lindur më 1974, Gjakovë
2. Leonora Gjota-Kolmekshaj, lindur më 1982, Junik – Deçan
3. Mamaja e saj Gjyle Maloku
4. Valentina Binakaj
5. Vajza e saj Erlinda Binakaj
6. Sevdail Rrustemi, lindur më 1973, Pakshticë e Epërme – Podujevë
7. Kujtim Kastrati, lindur më 1981, Radostë
8. Anjeza Bellanica
9. Hamet Hoxha, lindur më 1966 Randobravë Gjakovë
10. Alinda Iprijaj, nënë e 5 fëmijëve.
Kujtojmë se kryeministri i Kosovës, Albin Kurti mbërriti ditën e djeshme në Koroaci ku dhe vizitoi nga afër të lënduarit. Ndërsa Presidentja e Kosovës Vjosa Osmani, anuloi takimin që kishte në Japoni dhe e shpalli ditën e sotme ditë zie shtetrore në nder të qytetarëve të Kosovës që humbën jetën tragjikisht në Kroaci.
Ngërç politik! Dështon për herë të 15-të përpjekja për konstituimin e Kuvendit!
Ka dështuar për herë të 15-të përpjekja për konstituimin e Kuvendit të Kosovës. Si në seancat e mëparshme, edhe këtë...
