Sipas njoftimit zyrtar të Policisë së Dibrës, grupi i avari-shpëtimit, kanë arritur të gjejnë më orët e para të mëngjesit të sotëm, në thellësi të minierës së Selishtës, janë gjetur trupat e pajetë e tre minatorve të zhdukur në galeri.
Mësohet se janë gjetur pajetë trupat e inxhinierit Ismail Hoxha, 62-vjeç, dhe të dy minatorëve Rruzhdi Rrushitit 29-vjeç dhe Fatos Çesku 55-vjeç.
Bëhet me dije se të tre minatorët ishin asfiksuar nga gazrat në galerinë “Balgjaj” të Selishtës.
Viktimat janë identifikuar si Ismail Hoxha, rreth 62 vjeç me detyrë inxhinier miniere dhe dy puntorët Fatos Çesku dhe Rruzhdi Rrushiti; përkatësisht 55 dhe 29 vjeç.
Paraprakisht dyshohet se tre viktimat kanë ndërruar jetë pasi janë asfikuar nga një rrjedhje gazi brenda në minierë. Miniera nuk ishte e pajisur me një sistem ajrimi, ç’ka dyshohet se i ka kushtuar edhe jetën tre personave.
Ata ishin bllokuar prej ditësh disa dhjetra metra nën tokë dhe vetëm pasditën e djeshme, vëllai i inxhinierit Ismail Hoxha, Sami Hoxha kishte vënë alarmin për zhdukjen e tij. Inxhinieri gjithashtu ishte edhe pronari i minierës në Selishtë.
Për të gjetur trupat e tyre u ngrit një grup avari-shpëtimi, të cilët të ndihmuar nga banorët e zonës u futën në galeri. Fillimisht u gjetën sendet personale të punonjësve dhe inxhinierit dhe vetëm 100 metra më larg edhe trupat e tyre të pajetë.
Ende nuk dihet se përse zhdukja e tyre nuk ishte njoftuar më parë nga kolegët e punës dhe përse ishin vetëm ata që po punonin në galeri në momentin kur kanë ndërruar jetë. Policia e Dibrës ka nisur hetimet lidhur me tragjedinë dhe ka nisur marrjen në pyetjeve të punonjësve të tjerë të galerisë./GazetaReforma.com/
Njoftimi i policisë:
Në vijim të informacionit të dhënë, ku tre shtetas që punonin në minierën e “Balgjaj”, Selishtë, kishin humbur kontaktet me familjen, ju informojmë se rreth orës 03:00 datë 29.10 2020 në thellësi të minierës në Selishtë, nga ana e grupit avari- shpëtimit, u gjetën trupat e pajetë të shtetasve, I. H., 64 vjeç, banues në Peshkopi, F.Ç., 55 vjeç, banues në Bulqizë dhe R. R., 33 vjeç, banues në Bulqizë.
Nga veprimet hetimore të kryera dyshohet se kanë humbur jetën si pasojë e asfiksisë nga gazrat e minierës. Vijon puna për sqarimin e plotë të rrethanave të ngjarjes.
