Sipas raportimeve te fundit një tragjedi ka ndodhur në Greqi ku katër persona kanë mbetur të vdekur pas përmbytjes së anijes me emigrantë në ishullin Kios.
Mes katër viktimave në tentativë per të shpetuar kanë qënë edhe dy fëmijë të moshës 4 dhe 10-vjeç.
Raportohet se anija është mbytur ndërsa emigrantët po përpiqeshin të kalonin ngushticën e Kios-Cesme dhe të kalonin në brigjet e Ishullit Grek. Ende nuk dihen rrethanat në të cilat ndodhi aksidenti dhe nuk janë publikuar hollësi për llojin e anijes së përfshirë në këtë rast.
Ndërkohë sipas pasagjerëve raportohet se në varkë ndodheshin 27 persona, 22 prej të cilëve janë shpëtuar , ndërsa një tjetër person rezulton i zhdukur kerkimet vazhdojnë akoma.
Në operacionin e menjëhershëm për shpëtimin e tyre u përfshinë: dy anije të rojës bregdetare, dy helikopterë , një anije misioni e NATO-s dhe një anije lundruese.
I menjëhershëm ka qënë reagimi ministri të Emigracionit në Greqi, Notis Mitarakis nëpërmjet një postimi në ‘Twitter’, duke u bërë thirrje autoriteteve turke që të marrin masa, në mënyrë që të tilla tragjedi të mos vijojnë të përsëriten.
Ministri ka vënë gishtin tek autoritet Turke duke u shprehur se: “Autoritetet turke duhet të bëjnë më shumë për të parandaluar shfrytëzimin dhe bandat kriminale. Këto lëvizje nuk duhet të ndodhin më kurrë”, ka thënë ai.
