Një ngjarje e rëndë ka ndodhur ditën e sotme në Gjermani.
Mediat vendase shkruajnë se pesë fëmijë janë gjetur të vdekur në Solingen, Nordrhein-Westfalen, në Gjermani. Ishte policia ajo që i gjeti pesë fëmijët e vdekur në banesën e tyre pas lajmërimit nga fqinjët.
Nga hetimet parpake policia ka zbuluar se fëmijët janë vrarë nga vetë nëna e tyre, 27-vjeçare, e cila ka dalë dhe është hedhur para shinave të trenit pas krimit të rëndë që bëri.
Nëna 27-vjeçare ndodhet tani në spital në gjendje të rëndë për jetën dhe nuk dihet nëse do të shpëtojë.
Gjithashtu mediat shkruajnë se 27-vjeçarja ka telefonuar të ëmën dhe i ka treguar për krimin që ka kryer dhe se do të shkonte të vriste edhe fëmijën e gjashtë që ndodhej në kopësht. Por fatmirësisht nëna e viktimës ka arritur më parë në kopësht dhe ka marrë fëmijën e gjashtë i cili ndodhet i sigurtë.
Por ende nuk dihen shkaqet që kanë shtyrë 27-vjeçaren që të kryejë një krim kaq të rëndë.
