Ditën e sotme një njoftim i rëndësishëm vjen nga DEA amerikane, e cila do të stacionohet edhe në Tiranë. DEA amerikane iu bën thirrje qytetarëve të denoncojnë rastet e trafikut të drogave të forta, duke garantuar fshehtësi të burimit.
Agjencia e SHBA Kundër Narkotikëve ka njoftuar krijimin e një linje të re sinjalizimi për Shqipërinë, sa i takon informacioneve për rastet e trafikut të drogës apo pastrimit të parave. Në një njoftim në “Facebook”, Ambasada Amerikane njofton se DEA do të mbajë të fshehtë çdo të dhënë të qytetarëve. Madje DEA amerikane ka dhënë një numër ku qytetarët mund të kontaktojnë: +1 571 502-7846.
Gjithashtu thuhet se “shtetet e Bashkuara janë të përkushtuara të punojnë me Shqipërinë për të luftuar trafikun e drogës dhe pastrimin e parave të lidhura me to, për një të ardhme më të mirë për të gjithë shqiptarët”
MESAZHI I AMBASADËS
Agjencia e SHBA Kundër Narkotikëve njofton një linjë të re sinjalizimi për Shqipërinë. DEA nxit këdo që ka informacion në lidhje me trafikun e drogës ose pastrimin e të ardhurave nga droga ta ndajë informacionin me personelin e DEA-s në WhatsApp në: +1 571 502-7846 ose me email në: [email protected]. Të gjitha të dhënat do të mbahen të fshehta. Shtetet e Bashkuara janë të përkushtuara të punojnë me Shqipërinë për të luftuar trafikun e drogës dhe pastrimin e parave të lidhura me to, për një të ardhme më të mirë për të gjithë shqiptarët.
