Operacioni Forca e Ligjit (OFL) është përqendruar ditën e sotme në Tiranë, ku i ka dërguar formularin e vetëdeklarimit dy personave me precedentë penalë në fushën e narkotikëve.
OFL mësohet se i ka dërguar formularin e vetëdeklarimit të Pasurisë, Alfred Beqiri dhe Besim Zenuni, të cilët janë dënuar për Trafikimi i narkotikëve”.
Formulari deklarimit i është dërguar këtyre dy shtetasve si subjekt i Ligjit Special, ku duhet t’u përgjigjen me shkrim, brenda 48 orësh, të gjitha pyetjeve të OFL-së dhe më pas, përgjigjet e marra do t’i dërgohen SPAK-ut, për veprime të mëtejshme.
Njoftimi i Policisë:
OFL, 2 tetor
Vijon pa ndërprerë Operacioni Forca e Ligjit, në zbatim të detyrave të përcaktuara në Aktin Normativ të datës 31 janar 2020.
Në kuadër të zbatimit të Ligjit Special për masat pasurore ndaj individëve të dënuar apo akuzuar për krim të organizuar apo krime të rënda, OFL i ka nisur kërkesat me shkrim për vetëdeklarimin e burimeve të pasurisë, shtetasve:
Alfred Beqiri , banues në Tiranë, i dënuar për veprën penale “Trafikimi i narkotikëve”;
Besim Zenuni, banues në Tiranë, i dënuar për veprën penale “Trafikimi i narkotikëve”, mbetur në tentativë.
Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së dhe më pas, përgjigjet e marra do t’i dërgohen SPAK-ut, për veprime të mëtejshme.
OFL është në veprim të pandërprerë dhe në kryerje të veprimeve komplekse për vendosjen e sekuestrove emergjente mbi pasuritë e dyshuara të përfituara nga krimi, si dhe për dërgimin e formularëve të vetëdeklarimit të gjithë personave që janë subjekt i Ligjit Special.
OFL do të informojë publikun në vijimësi për të gjitha nismat procedurale dhe operacionet ekzekutive që do të kryejë./GazetaReforma.com/
