Trafiku rrugor në Durrës ka arritur nivele kritike në orët e pikut, veçanërisht në mëngjes dhe pasdite.
Për të disiplinuar qarkullimin, janë vendosur kufizime orare për automjetet e tonazhit të rëndë dhe të lehtë në rrugët kryesore të qytetit.
Nga data 15 janar deri më 15 maj 2025, automjetet ATP do të ndalohen të qarkullojnë në fashat orare 07:00-09:00 dhe 16:00-18:00, nga e hëna në të premte.
Për automjetet me tonazh mbi 6.5 ton, qarkullimi do të ndalohet plotësisht dhe do të kufizohet në një itinerar të caktuar nga bashkia. Për të informuar drejtuesit, janë vendosur sinjale në akset hyrëse dhe dalëse të qytetit.
Rrugët e prekura nga ky kufizim përfshijnë rrugët “Adria”, “Stefan Kaçulini”, “Glaukia”, “Hysen Kërtusha”, “Aleksandër Goga”, bulevardet “Epidamn”, “Egnatia”, “Taulantia”, dhe rrugët “Currilave”, “Mars 91”, “Dëshmorëve” dhe segmentet brenda unazës, sipas hartës.
Subjektet tregtare duhet të respektojnë oraret dhe sinjalistikën për furnizimet, ndërsa përjashtime bëhen për automjetet e policisë, urgjencës, zjarrfikësve, transportit publik dhe disa institucioneve komunale.
