Dy persona janë arrestuar nga policia e Tiranës në kuadër të një operacioni të quajtur “Medikament”. Ata akuzohen për kontrabandë ilaçesh. Sipas policisë, njëri prej tyre zotëronte një depo dhe një farmaci, ndërsa tjetri zotëronte dy farmaci. Dyshohet se këta persona merrnin ilaçet në mënyrë të paligjshme nga Greqia dhe Turqia.
Në kontrollin e kryer në një farmaci dhe një depo, policia gjeti dhe sekuestroi ilaçe pa pullë fiskale dhe pajisje dentare me vlerë rreth 17,000 euro. Materialet e sekuestruara janë dorëzuar në Prokurori për hetime të mëtejshme.
