Ish-kryetarja e Kuvendit, Jozefina Topalli deklaron se dorëheqja e Sandër Lleshajt ishte diçka që duhet të ndodhte menjëherë.
“Ishte një dorëheqje që duhet të ndodhte në mënyrë të menjëhershme. Opinioni publik është i shokuar për këtë ngjarje dhe kërkon përgjegjësi morale, ligjore dhe institucionale. Nëse Lleshaj e ka dhënë dorëheqjen me vonë sigurisht që nuk është e justifikueshme.
Jo gjithmonë ndodh në vendin tonë dorëheqja, por ishte një rast i paimagjinueshëm. Unë po lexoja fjalët e nënës që i kishte dhënë lekë për cigare dhe më pas i kishin thënë se është vrarë”, deklaron Topalli.
Ndërkohë, Topalli tha se tre krerët e partive politike që po bëjnë pazare dhe shantazhe me njëri-tjetrin për karrige dhe për pasuri.
“Pesha e qeverisë dhe e opozitës nuk është e njëjtë. Por faj kanë tre krerët e partive politike që po bëjnë pazare dhe shantazhe me njëri-tjetrin për karrige dhe për pasuri.
Ne do të vazhdojmë që të rrimë edhe 15 vite që të shohim po këta emra, apo do të themi mjaft me vota. Më mirë të themi boll përmes votave sepse protestave të dhunshme. Rruga e dytë ka një kosto shumë të larta, se nuk ka shqiptar që do të donte të shihte edhe njëherë një ’97”, deklaroi Topalli..
