Padrejtësia ndaj naftëtarëve e ka origjinën tek korrupsioni, deklaron drejtuesja e Lëvizjes për Ndryshim, Jozefina Topalli. Ajo i bën apel kryeministrit që të mos bëjë sikur nuk dëgjon, por të respektohet detyrimi për shpërblimin e punës së kryer.
Në një postim n FB, shoqëruar me video nga greva e grave naftëtarë të Ballshit, Topalli shkruan:
“Prej shumë ditësh 10 gra kanë nisur një grevë urie. Ata kërkojnë një të drejtë të tyre themelore. Shpërblimi për punën e kryer është një e drejtë e tyre dhe një detyrim për t’u respektuar nga shteti Shqiptar. Kryeministri i vendit nuk mund të bëjë sikur nuk i shikon dhe nuk i dëgjon e aq më pak të vendosë kushte. Padrejtësia ndaj naftëtarëve ka vetëm një origjinë që është korrupsioni.
Të rinjtë e Lëvizjes për Ndryshim ishin në përkrahje të tyre. Ata kanë nevojë për mbështetje. Shkelja e të drejtave të naftëtarëve është shkelje e të drejtave të njeriut!”
/GazetaReforma.com/
