Peshëngritësi Erkand Qerimaj është renditur i nënti në botë deri në peshën 81 kg në Lojërat Olimpike të Tokios.
Qerimaj garoi në orët e parë të mëngjesit në baterinë B, ku u rendit i pari. Ai e mori një pozicion të tillë, pasi arriti të ngrinte 338 kg në stilin e shkëputjes, peshëngritësi i shquar shqiptar ngriti fillimisht 151 kg, për të vazhduar më pas në 155 kg. Në provën e tretë Qerimaj ia doli të ngrinte 157 kg. Ndërkohë, peshëngritësi arriti të ngrinte 181 kg në provën e parë në stilin e shtytjes. Në provën e dytë ai tentoi 185 kg, por e ngriti shtangën deri në gjoks, por nuk arriti ta shtynte mirë. Në provën e tretë Qerimaj tentoi të ngrinte 187 kg, por pa sukses.
Me këtë rezultat, 338 kg të ngritura në dygarësh, Erkand Qerimaj u rendit i pari në baterinë B me një diferencë mjaft të dukshme me kundërshtarët, që shkonte në 21 kg me vendin e dytë.
Ndërkohë, gara është mbyllur edhe në baterinë A. Kinezi, Lyu Xiaojun ka arritur të marrë medaljen e artë në peshëngritje 81kg. ai ngriti në total 374 kg, nga të cilat në shkëputje 170 kg dhe në shtytje 204 kg, duke vendosur kështu rekord olimpik. Në vendin e dytë u rendit Zacarias Bonnat Michel, i cili i dha medaljen e parë Republikës Domenikane në peshëngritje.
Në vendin e tretë me medalje bronzi u rendit italiani Antonino Pizzolato .
