Xhudistja kosovare, Distria Krasniqi, ka triumfuar në Lojërat Olimpike “Tokio 2020”, duke fituar medalje ari. Krasniqi e nisi mbarë ditën e parë të Lojërave Olimpike “Tokio 2020”, pasi ka fituar të gjitha ndeshjet njëra pas tjetrës, ku në finale arriti të mposhte japonezen Funa Tonaki.
Gjithashtu, pejania ka fituar ndeshjen e parë me ‘ippon’ ndaj brazilianes, Gabriela Chibana, ndërsa në çerekfinale mposhti me ‘ippon’ Chen Hao Lin në kategorinë deri në 48 kilogramë.
Në gjysmëfinale, Distria pati një përballje të fortë me kundërshtaren Urantsetseg Munkhbat, të cilën arriti ta mposhtë gjithashtu, edhe pse me pak vështirësi. Xhudistja kosovare u tregua e fortë, duke fituar me anë të ‘Waza-Arit’.
Në finale, Distria u përballë me japonezen Funa Tonaki, të cilën sikurse edhe çdo kundërshtare tjetër e arriti ta mposhti, duke bërë krenare gjithë Kosovën. Xhudistja nga Kosova me këtë triumf, fiton medaljen e artë në “Tokio 2020”, në kategorinë deri në 48 kilogramë. Distria Krasniqi, ka fituar medaljen e artë në Lojërat Olimpike “Tokyo 2020”, e para për të dhe krenari sepse një vend i vogël si Kosova jep një leksion të madh duke nxjerrë kampion e kampione në xhudo.
Sjellim në vëmedje se kjo është medalje e dytë olimpike për shtetin e Kosovës, pasi e para i përket Majlinda Kelmendit, e cila fitoi të artën në kategorinë deri në 52 kilogramë në Rio de Janiero të Brazilit në Lojrat Olimpike që u zhvilluan në vitin 2016.
