Një ngjarje e rëndë ka ndodhur në Vlorë. Një grua ka tentuar t’i japë fund jetës duke u hedhur nga ballkoni i pallatit, ku edhe jeton.
Ngjarja është regjistruar dy ditë më parë te lagjja “Orizi”, por ditën e sotme kanë dalë pamjet e ngjarjes rrëqethëse.
Në video shihet një grua e cila ka tentuar të hidhet nga ballkoni i pallatit ku jetonte, ndërsa ndërhyrja e bashkëshortit të saj i ka shpëtuar jetën.
Fatmirësisht ai e ka kapur nga duart dhe ka arritur ta ngrejë sipër edhe pse gruaja ka bërë rezistencë për shumë minuta.
Ngjarja ka tronditur kalimtarët të cilët siç dëgjohen edhe në video kanë ulëritur kur kanë parë gruan që varej nga ballkoni.
