Një ngjarje e rëndë ka ndodhur në Tiranë ku një rast përdhunimi në familje është denoncuar në polici. Një e mitur 16-vjeçare ka denoncuar babain e saj në Komisariatin e Policisë Numër 3, pasi ajo thotë se ai e ka përdhunuar. Ky denoncim është bërë disa ditë më parë.
Policia ka arrestuar babain e vajzës me iniciale B.M., 61-vjeç menjëherë pas denoncimit që e mitura ka bërë. Vajza ka treguar në kallëzimin e saj se është abuzuar nga i ati për një kohë të gjatë, madje kur ka tentuar ta kundërshtojë me force ai e ka djegur me çakmak. Gjithashtu janë bërë edhe një sërë verifikimesh të tjera, ndërsa pritet që babai i vajzës të dalë për masë në gjykatë.
Balkan Web shkruan se në dëshminë e saj vajza është përpjekur t’i tregojë të ëmës, por kjo nuk e ka dëgjuar duke i thënë se është shumë e lodhur.
“Më ka abuzuar per nje kohe te gjate, herën e fundit kundërshtova me forcë dhe më dogji me çakmak deri sa kreu marrëdhënie. I thash mamit: dua të tregoj diçka shumë të rëndë dhe ajo më tha: Flasim nesër se jam shumë e lodhur”, mësohet të ketë thënë e reja ne polici.
