Lëkundjet sizmike në vendin tonë duket se kanë sjellë edhe njëherë frikën tek banorët, pasi mbrëmjen e djeshme pak pas mesnate u ndjen lëkundje sizmike që sipas të dhënave nga IGJEUM tërmeti ishte me magnitutë 3.1 rihter, por ishte shumë afër qytetit.
Disa minuta më parë, një tjetër tërmet ka lëkundur qytetin e Durrësit dhe sipas të dhënave mësohet se sot lëkundjet ka qenë në thellësi të detit Adriatik me magnitutë 3.3 rihter.
Tërmeti ishte 42 kilometër nga qyteti i Durrësit dhe në një thellësi 2 kilometër, teksa fatmirësisht nuk raportohet për dëme materiale.
Kujtojmë se ekspertët kanë shpjeguar se paslëkundjet e tërmetit të 26 nëntorit do të vijojnë për disa muaj dhe nuk ka vend për panik.
Shqipëria u godit nga një tërmet i fuqishëm 9 ballë i shkallës Rihter, i cili u mori jetën 51 personave, teksa si pasojë e lëkundjeve të fuqishme u dëmtuan qindra shtëpi, duke shkaktuar një dëm të konsiderueshëm ekonomik.
Në muajin shkurt, BE mblodhi një fond prej 1.15 miliardë eurosh, midis të cilave dhurime dhe borxhe me interes të ulët, të cilat do të shkojnë për programin e rindërtimit.
