Sëmundjet janë shtuar duhet thënë në mënyrë alarmante në vendin tonë dhe një prej shkaqeve kryesore është edhe ushqimi dhe sot bindemi edhe një herë.
Që në marketet dhe supermarketet tona tregtohen mallra të skaduar, ky tashmë nuk përbën më lajm, por sot ndodhemi para faktit që ka produkte, të cilat brenda janë të mykura ose më keq, parazitët ose butakët kanë gjetur ambientin e tyre dhe rrjedhimisht i bën ato të pakonsumueshme.
Rasti më i fundit na vjen nga spermarketi One Stop, ku një klient ka blerë bukë tosti dhe gjendja pasi ka hapur ambalazhin ka qenë kjo, bukë me krimba.
Ndërkohë që pamja duhet të ishte e tillë
Bukë e mykur me krimba, e pamundur për t’u konsumuar dhe menjëherë lind pyetja, cilit institucion duhet t’i drejtohet një konsumator që ka pasur një problematik të tillë?
Nëse mendoni se përgjigjja është “Autoriteti Kombëtar i Ushqimit”, atëherë vetvetiu lind pyetja që si ka mundësi që nëse ekziston një institucion i tillë nuk bën kontroll për mënyrën e tregtimit të ushqimeve dhe mënyrën sesi mirëmbahen ato në supermarkete?
Kjo kërkon hetim të plotë, pasi në të njëjtën mënyrë mund të jenë duke u tregtuar edhe ushqime të tjera, të cilat janë të pamundura për t’u kuptuar me sy të lirë se kanë diçka që nuk shkon dhe janë jashtë çdo standardi konsumimi.
Gazeta Reforma
