Ashtu siç edhe është lajmëruar edhe më parë protestat e opozitës do të vazhdojnë dhe ditën e nesërme do të shënohet pikërisht protesta e gjashtë që prej nisjes së tyre në 16 shkurt.
E paralajmëruar që në momentin që deputetët e opozitës kanë dhënë dorëheqjen se nuk do të lejojnë që Parlamenti të vazhdojë punën edhe ditën e nesërme simpatizantët e PD-së dhe LSI-së do të mblidhen që në orën 9:00 para Parlamentit.
Nga ajo që lajmërohet, protesta do të jetë kundër qeverisë dhe legjislativit, pasi i cilësojë si ilegjitime seancat që zhvillohen pas dorëheqjes që kanë bërë nga mandati i deputetit.
Tashmë në lëvizje janë vendosur edhe efektivët blu, të cilët janë duke marrë masa për mbrojtjen e deputetëve në mënyrë që mos të ketë përplasje mes tyre dhe simpatizantëve të opozitës.
