Mësohet se edhe deputetja e Kuvendit të Shqipërisë, Rudina Hajdari është konfirmuar pozitive me Covid 19.
Lajmin e ka bërë me dije vet deputetja, nëpërmjet një statusi në rrjetin social Facebook, ku ka thënë që pas testimit ka rezultuar pozitive me covid-19.
Në postimin e saj, ndër të tjera, deputetja ka theksuar se ka simptoma të lehta dhe ndodhet në vetizolim. Hajdari ka theksuar se deri kur rezultatet të ridalin negativ, ajo do të punojë nga shtëpia.
Postimi i plotë:
“Mbas shfaqjes së disa simptomave, jam testuar dhe kam rezultuar pozitive me Covid19.
Fatmirësisht deri tani simptomat janë të lehta dhe të përballueshme, por do më duhet të izolohem për të ruajtur shëndetin e familjarëve, bashkëpunëtorëve dhe mbështetësve.
Nga sot e deri kur rezultatet të ridalin negative, do të punoj nga shtëpia dhe do të mund të takohemi vetëm online.
Do mundohem të përdor sa më shumë teknologjinë për të kompesuar mungesën fizike dhe ta shfrytëzoj këtë kohë për të zhvilluar ide dhe projekte të reja.
Ju lutem shumë merreni seriozisht këtë sëmundje dhe masat mbrojtëse ndaj saj.
Ruajuni për veten dhe familjet tuaja”, shkruan Hajdari.
