Ministria japoneze e Shëndetësisë njoftoi sot se në Tokio kanë mbërritur 4 persona nga Brazili të infektuar me një variant të ri të covid-19.
“Të katër udhëtarët, të cilët zbarkuan në aeroportin “Haneda” të Tokios më 2 janar, nga Amazonas, Brazil, u testuan pozitivë pasi kaluan kohën e karantinës në aeroport”, tha Ministria.
“Varianti është i ndryshëm nga ato që janë përhapur tashmë në BM dhe Afrikën e Jugut”, tha Takaji Ëakita, kreu i Institutit Kombëtar të Sëmundjeve Infektive, sipas raportimeve të “Kyodo Neës”.
Instituti specifikoi se, aktualisht, nuk ka ende ndonjë provë se varianti i ri është më ngjitës.
Kujtojmë se deri tani kanë dalur disa mutacione të reja të koronavirusit. I pari u shfaq në Britaninë e Madhe, ku si mutacion ishte më transmetues mes njerëzve. Po ashtu një tjetër variant u shfaq edhe në Afrikën e Jugut ku edhe atje po infekton një numër të lartë individësh në ditë.
Pjesa kontinentale europiane u izolua nga Britania e Madhe për shkak të shfaqjes së një varianti të ri të covid-19. Rrugët e transportit e udhëtimit me Britaninë e Madhe tashmë janë mbyllur të gjitha. Për shkak se Franca ka mbyllur kufijtë me Mbretërinë e Bashkuar u mbyll edhe porti shumë i rëndësishëm për Britaninë e Madhe, Dover në Kanalin e La Manshës, si edhe tuneli europian, i njohur si Eurotuneli. Edhe qeveria holandeze nuk lejon më ardhjen e pasagjerëve nga Britania e Madhe./Gazetareforma.com/
