Një tjetër humbje është shënuar në bluzate nardha në Shqipëri ndërsa propagandohet me të madhe se procesi i vaksinimit po ecën më së miri. Nurie Bace është infermierja nga Lushnja që ka ndërruar jetë në moshën 59-vjeçare si pasojë e infektimit me COVID. Lajmin e ka bërë të ditur Urdhdhri i Infermierve ndërsa shkruan se se e ndjera i ka shërbyer pacientëve me profesionalizëm.
Njoftimi i plotë i Urdhrit të Infermiereve:
Një tjetër infermier u largua nga armata e UISH
Me hidhërim njoftojmë ndarjen nga jeta të infermieres nga Lushnja , Zj.Nurie Bace , 59 vjeç, e prekur nga covid-19.
Dashuria për profesionin , shërbimi me profesionalizëm, virtyte që e shoqëruan në cdo çast të punës së saj me pacientet
Në emër të Urdhrit të Infermierit të Shqipërisë iu shprehim ngushëllime të sinqerta familjarëve dhe kolegëve .
Humbjet në radhët e bluzave të bardha si pasojë e COVID-19 kanë qenë të shumta ne vendin tone dhe kjo për shkaqe të cilat mund të ishin shmangur. Nga mungesa e mjeteve mbrojtëse për personelin mjekësor, tani është kaluar në mungesën e vaksinave. Edhe pse kryeministri Rama dhe ministrja Manastirliu deklarojnë se mjekët e infemierët janë vaksinuar, realiteti tregon të kundërtën dhe ata vazhdojnë të humbasin jetën çdo ditë.
