Pep Guardiola tha që lojtarët e tij të Manchester City ishin “duke luftuar si kafshë” pasi udhëheqësit e Premier League mundën klubin e fundit Sheffield United për të regjistruar një fitore të 13-të radhazi rekord të klubit.
Sfida u vendos nga një gol i brazilianit Gabriel Jesus në minutën e nëntë.Ferran Torres dhuroi një spektakël” brenda zonës kundërshtare dhe dhuroi një asist për sulmuesin brazilian, i cili s’e pati të vështirë të dërgonte topin në rrjetë. Për mbi 80 minuta më nuk pati gola, teksa në fund “Citizens” iu gëzuan tri pikëve të radhës. Me këtë fitore, Manchester City shkon në kuotën e 44 pikëve në vendin e parë.
Shefi i Manchester City, Pep Guardiola tha për BBC Sport: “Njerëzit mendojnë nëse e fituam të fundit 5-0, ne do ta fitojmë këtë 5-0. Kjo është bota reale, jo një përrallë. Ishte një performancë e pabesueshme. Ne luajtëm tepër mirë dhe pranuam pak raste. Ne nuk krijuam shumë, por sa për të fituar ndeshjen.
“Ju shikoni që Sheffield United është në fund të tabelës dhe e kupton sa e vështirë është Premier League. Ne gjithmonë luftojmë t’i mposhtim ata çdo sezon”, tha Guardiola pas mbarimit të ndeshjes.
Për Guardiolën kjo ishte një fitore marramendëse e 500-të e një karriere menaxheriale prej 673 ndeshjeve.
