Italia vijon të jetë vendi me numri më të madh të viktimave në botë, teksa 760 persona kanë humbur jetën brenda 24 orësh, duke u rritur sërish pasi të mërkurën numri i viktimave brenda një dite ishte 727.
Në total janë regjistruar 13, 915 viktima, teksa gjatë 24 orëve të fundit janë konfirmuar 4,668 raste të reja me koronavirus, duke e çuar numrin e përgjithshëm të të infektuarve në 115, 242 persona.
Sakaq, numri total i të shëruarve është 18,278 persona, ndërsa momentalisht në gjendje kritike janë 4,053 pacientë.
Po ashtu, koronavirusi nuk ka kursyer as bluzat e bardha pasi deri tani kanë humbur jetën mbi 60 mjekë e infermierë, teksa janë infektuar mijëra të tjerë.
Numrin më të madh të të infektuarve në botë e ka SHBA me plot 217, 661 të infektuar, teksa në rang botëror janë regjistruar 966,939 të prekur, 49,295 viktima, teksa janë shëruar 203, 535 pacientë.
