Dy të rinjë kanë mbetur të plagosur me thikë, pas një sherri që ka ndodhur në orët e vona të mbrëmjes së të enjtes në Tiranë. Ngjarja është regjistruar në Bulevardin e Kasharit, në Unazën e Re. Policia ka bërë reagimin e parë për ngjarjen duke sqaruar se 2 të rinj kanë mbetur të plagosur me mjet prerës.
Njoftimi i Policisë:
Tiranë/Informacion paraprak
Më datë 19.09.2024, rreth orës 22:50, përballë një pastiçerie në bulevardin e Kasharit, në Unazë të Re, gjatë një konflikti për motive të dobëta janë plagosur dyshohet me mjete prerëse shtetasit E. D., 18 vjeç, dhe E. M., rreth 20 vjeç.
Dy të dëmtuarit janë dërguar në spital dhe ndodhen në kujdesin e mjekëve, ndërsa vijon puna nga shërbimet e Policisë për kapjen e autorit të dyshuar.
Grupi hetimor ndodhet në vendngjarje dhe po punon për sqarimin e rrethanave të saj.
