Një 19-vjeçar, i identifikuar si Henri Breçani është arrestuar nga Policia në Tiranë, pasi ka shtyrë drejt vetëvrasjes nënën e tij. 19-vjecari është konfliktuar me nënën e tij, shtetasen F. Breçani, e cila më pas ka konsumuar disa medikamente duke tentuar t’i japë fund jetës.
Gruaja me profesion farmaciste, ndodhet në gjendje kritike për jetën në repartin e toksikologjisë, në Qendrën Spitalore “Nënë Tereza”. Gjatë shoqërimit, Henri Breçani ka kundërshtuar me forcë dhe ka goditur për shkak të detyrës punonjësit e policisë.
Sipas hetimeve Breçani, dyshohet se është përdorues i lëndëve narkotike. Ai i ka kërkuar para, nënës së tij dhe ky dyshohet të jetë shkaku i konfliktit mes tyre. Policia është njoftuar nga QSUT, pasi F.Brecani është dërguar në spital nga të afërm të saj, në gjendje kritike për jetën.
