Tirana vijon të jetë e pushtuar nga paniku, pasi pas alarmit të rremë për bombë pranë ambasadës ruse, punonjësit e UKT-së kanë gjetur një granatë të paplasur.
Granata është gjendur pranë Drejtorisë së Policisë së Tiranës gjatë kohës kur po punonin në rrugën “Vangjush Furxhi”, për të hapur një kanal.
Aktualisht zona është rrethuar nga Policia dhe pritet ardhja e forcave xheniere, teksa sipas të dhënave paraprake, bëhet fjalë për një granatë ofensive.
Më herët ditën e sotme një çantë e zezë e dyshimtë ka ngritur në këmbë Policinë e Shtetit, pasi është gjendur në afërsi të ambasadës ruse në kryeqytet.
Punonjësit e ambasadës janë alarmuar për një bombë të mundshme, prandaj kanë thirrurr menjëherë efektivët dhe forcat xheniere shkuan në vendngjarje teksa u bë rrethimi i perimetrit të zonës për të zbuluar nëse bëhej fjalë ose jo për eksploziv.
Pasi ekspertët kanë mbërritur në vendngjarje kanë zbuluar se bëhej fjalë për një alarm të rremë, pasi në çantë kishte vetëm rroba.
