Mbrëmjen e sotme në sheshin “Nënë Tereza” u zhvillua një aktivitet për 100 vjetorin e Tiranës kryeqytet, ku i pranishëm ishte edhe kryeministri Edi Rama, i shoqëruar nga bashkëshortja Linda dhe ministrja e Kulturës, Margariti.
Për këtë aktivitet dritat e sheshit u fikën për pak minuta për të transmetuar një video në hologram me në fokus historinë e kryeqytetit.Në një mënyrë krejt unike, përmes një teknologjie që vjen për herë të parë në Ballkan, video-arti promovon trashëgiminë kulturore shqiptare.
Në një postim në Facebook, Rama thotë se Tirana është një histori dashurish, të vjetra, të zgjuara dhe të forta.
“Tirana është një histori dashurish, të vjetra, zgjuara, të forta, të rënda, të frikshme të vrullshme. Nuk njoh asnjë kryeqytet tjetër ku sheshi të jetë si një zemër e hapur, mbi të cilën janë të shënuara si një litar dashurish, marrëdhëniet e vendit me të tjerët dhe vetveten dhe vetë Zotin lart në qiell. Xhamia, e ngritur, e mbyllur, e rihapur. Kisha, e zhdukur e rishfaqur.
Ministritë, për mbretin, për pushtuesin, diktatorin, përfaqësuesit, banka, pallati i kulturës, hoteli, muzeu. Çfarë fati të jesh pjesë e kësaj historie, të kesh shansin të shkruash emrin tënd në litarin e një jete që vazhdon prej 100 vitesh me Tiranën kryeqytet. Tirana është një histori dashurish” tha ai.
https://www.facebook.com/edirama.al/videos/640372583508484/?vh=e&extid=0&d=n
