Ditën e djeshme u zhvilluan përballjet e para për sfidat e vlefshme për raundin e 1/16 të EFL Cup. Mes ndeshjeve të luajtura ishte dhe ajo e Newport County përballë Newcastle United.
Pas gjuajtjes së penalltive, në raundin tjetër u kualifikuan miqtë pasi koha e rregullt përfundoi në barazim 1-1.
Por gjatë kohës kur po zhvillohej ndeshja ra një shi i rrëmbyer, dhe kamerat kapën një detaj shumë interesant gjatë takimit. Një tifoz që kishte shtëpinë shumë pranë stadiumit “Rodney Parade” ka shijuar mundësinë e artë t’i shikojë ndeshjet nga dhoma e tij e gjumit.
Newport still lead Newcastle 1-0 👀
This fan is trying to will them to victory from home! pic.twitter.com/euUenoWHul
— DAZN Canada (@DAZN_CA) September 30, 2020
Ai është parë teksa duartroket gjatë ndeshjes, duke mos u shqetësuar fare nga shiu që po binte në ato moment. Tifozi është një nga më fatlumët në botë, pasi ai ka mundësinë të shikojë ekipin e zemrës nga dhoma e tij.
