Këtë të hënë kreu i Partisë së Lirisë Ilir Meta, ka premtuar se me ardhjen e opozitës në krye të bashkive do t’i jepet fund modelit të rritjes së taksave dhe zero shërbime për qytetarët. Këtë mesazh Meta e dha teksa ndodhet në Skrapar për të mbështetur kandidatin e opozitës atje Euglen Mustafallarin.
Ndërkohë kreu i PL dha dhe një premtim tjetër në lidhje me mungesën e aksesit që kanë qytetarët për t’u ankuar në bashkitë e vendit për shkeljet që iu bëhen. Meta thekson se pas 14 majit nuk do të ketë më asnjë punonjës policie që të ndalojë qytetarët të hyjnë në bashki dhe të kërkojnë llogari për padrejtësitë që iu bëhen.
STATUSI:
Skrapari nuk ka më kohë për të humbur. Në 14 Maj merr fund modeli i rritjes së taksave me zero shërbime për qytetarët. Merr fund modeli kriminal që po e shpopullon Skraparin dhe gjithë Shqipërinë.
Pas 14 Majit, nuk do të ketë më asnjë punonjës policie që të pengojë qytetarët të hyjnë në bashki dhe t’u kërkojnë llogari të zgjedhurve të tyre.
Me Euglen Mustafallarin do t’ia rikthejmë Bashkinë e Skraparit qytetarëve. Si djalë energjik i Skraparit, si menaxher i aftë dhe bashkëpunues, ai do të bëjë më të mirën për bashkëqytetarët e tij.
Bashkë Fitojmë!
