Nëse deri tani kemi marrë detaje rreth vajzës 13-vjeçare të përdhunuar në Kavajë, mesa duket ka akoma nevojë të konsolidohet çështja dhe të merret edhe mendimi i personave që kanë rrethuar djemtë që kanë kryer aktin.
Pikërisht ditën e sotme, një nga nënat e djemve të arrestuar, më të madhit prej tyre, 16 vjeç, ka folur për kamerat e “Open” duke thënë se djali i saj është i pafajshëm për atë që e akuzojnë.
Mamaja e 16-vjeçarit është shprehur se akuzat e drejtuara djalit të saj nuk janë të vërteta, pasi ai nuk ka kryer marrëdhënie seksuale me vajzën.
“Djalin po e mbajnë padrejtësisht në burg. Ma kane quajtur monster. Nuk është e vërtetë. Çuni ka bërë veç një puthje dhe një prekje. Kaq. Është në gjendje të rëndë në paraburgim. Djali është 16 vjeç. minoren ai , minoren ajo, pse duhet të gjykohen kështu”, u shpreh ajo.
Mirëpo nuk mbaron me kaq. Ajo ka thënë se djali nuk i ka bërë asnjë shantazh vajzës, ai mund ta ketë puthur dhe ndonjë prekje, por kaq. Mirëpo problemi i nënës mesa duket nuk qëndron tek fakti i përdhunimit të vajzës nga tetë djem që e shantazhonin, një ndër ta edhe djali i saj, por tek fakti që këtë janë duke e kthyer në politike.
“Nuk e di çfarë kanë bërë djemtë e tjerë, çuni im nuk e ka bërë këtë. Çuni im nuk është rritur ashtu. Djali im ndihet keq sepse është pafajshëm. Kanë futur edhe politikën e mesme. Kur prindëri i vajzës e dinte se kishte të dashur, si nuk e pyeti njëherë vajzën. Nuk e kanë problem se u përdhunua një vajzë. Por tani ka ndërhyrë politika, po e bëjnë politikë”, tha ajo.
Megjithatë nga verifikimet e bëra, policia ka dalë në përfundimin se këta janë tetë personat që kanë abuzuar seksualisht me vajzën për gati tre muaj me radhë, dhe nëse një prind për të shpëtuar fëmijën e tij bën deklarata të tilla, atëherë nuk merren me mend deklaratat që duhet të bëjnë prindërit e vajzës për traumën që i kanë shkaktuar ato puthjet dhe prekjet “e pafajshme” të djalit 16-vjeçar me video në dorë.
