Një ngjarje përmasave të një filmi ‘thriller’ është zbuluar në Turqi.
Një grua 32-vjeçare dhe burri i saj 37-vjeçar janë burgosur pasi akuzohen për torturimin e katër fëmijëve të tyre, të moshës 2 deri në 10 vjeç.
Sipas mediave turke, prindërit akuzohen ndër të tjera se ua kanë mbyllur gojën fëmijëve të tyre me ngjitës për të mos u dëgjuar zëri kur i kanë rrahur dhe djegur me çakmakë. Nëna e fëmijëve, 32-vjeçarja Hana Ramadan, përveç djegies akuzohet se ka goditur dhe rrahur fëmijët.
Rasti u zbulua kur fqinjët dhe të afërmit dëgjuan britmat nga brenda shtëpisë së familjes. Një i afërm i familjes ka qenë ai që ka regjistruar torturat me celularin e tij.
Nëna e fëmijëve, të moshës 2, 5, 6 dhe 10 vjeç, thuhet se pohoi se “po i godiste fëmijët sepse babai i tyre ia kërkoi.” Nga ana tjetër bashkëshorti mohoi të kishte dijeni për atë që po ndodhte.
Mësohet se Hanan Ramadan ka fajësuar bashkëshortin e saj dhe ka thënë: “I kam rrahur fëmijët tanë se ai ka dashur”, ndërsa Rayyan El Isa ka thënë: “Nuk e di për ngjarjen”. Fëmijët u morën në mbrojtje nga Drejtoria e Shërbimeve Sociale.
Pra, pas arrestimit të prindërve të tyre, fëmijët janë transferuar në strukturat sociale.
